Ilulissani Sisorartartut Peqatigiiffiata Malittarisassai
§ 1. Peqatigiiffiup aqqa najugaalu.
Sisorartartut peqatigiiffiat ateqarpoq Ilulissani sisorartarut peqatigiiffiat,
I.S.P. postboks 95 3952 Ilulissat.
Aallarnerneqartoq ukioq 1971 Ilulissani.
§ 2. Peqatigiiffiup siunertaa.
Peqatigiiffiup siunertaraa nunatsinni sisorarnerup siuarsarneqarnissaanut ikiuunniassalluni anersaakkut timikkullu.
Sisorarnermilu timersuutit nunatsinni ingerlanneqarsinnaasut ingerlanniassallungit.
Kikkulluunniit peqatigiiffimmut ilaasortat sisorarnermut ilaasinnaapput.
§ 3. Ilaasortaaneq akiliutillu.
Kikkulluunniit ilaasortanngorsinnaapput, sisorartartutut tapersersuisutulluunniit siunertamut isumaqataasoq.
Peqatigiiffimmut ilaasortat akiliuteqassapput imatut angissusilimmik:
Ukiumut akiliisarnissaq Augustimiit Augustimut.
Meeqqat kisimiittut 150,- kr 0-16 ukiullit/År.
Inersimasoq kisimiittoq 300,- kr 19- qummut/op ukiullit/År.
Tapersersuisut – Bankortartullu / Passiv medlemmer 50,- kr.
Bobo's Optik-imi ilaasortanngorneq akilerneqarsinnaapput.
Adresse:
Bobo's Optik
Kussangajaannguaq
Postboks 521
3952 Ilulissat
§ 4. Ilaasortaajunnaarneq.
Peqatifiiffimmut ilaasortaq ilaasortaajunnaarniaruni siulersuisunut nalunaarutigissavaa.
Kiisalu siulersuisut pisussaatitaapput, ilaasortaq ilaasortaajunnaarsissinnaallungu akiliutissaminik sumiginnaalluinnarsimaguni.
§ 5. Ukiumoortumik ataatsimeersuarneq.
Ataatsimeersuarneq peqatigiiffiup ingerlanneqarnerani oqartussaanerpaavoq.
Ukiumoortumik ataatsimeersuarneq ingerlanneqartassaaq Februar naatinnagu.
Ataatsimeersuarnerup ingerlanneqarnissaa ullunik 14-nik sioqqullungu nalunaarutigineqartassaaq.
§ 6. Ataatsimeersuarnerup ingerlanneqarsissaa.
Ataatsimeersuarneq imatut ingerlanneqartassaaq:
1. Aqutsisumik qinersineq.
2. Siulersuisut ukiumoortumik nalunaarutaat.
3. Naatsorsuutit kukkunersiorneqarsimasut akuerisassanngorlungit saqqummiunneqarnerat.
4. Siunnersuutinik tiguneqarsimasunik oqallisiginninneq.
5. Siulersuisunut ilaasortassanik tallimanik qinersineq, sinniisussanillu marlunnik.
6. Siulersuisunngortut iluminni aaliangissuaat kikkut qanoq inissisimassanersut.
7. Siulersuisunngortut kukkunersiuisussanik ujaarlissapput.
§ 7. Immikkut ittumik ataatsimeersuarneq.
Immikkut ittumik ataatsimeersuartitsisoqarsinnaavoq siulersuisut imaluunniit peqatigiiffiup ilaasortaasa sisamararterutaasa tamanna allakkatigut piumasarippassuk. Ataatsimeersuarneq taamaattoq ingerlanneqartasssaaq piumasaqaatip tiguneraniit qaammatip qaangiutinnginnerani. Ataatsimeersuarnermi taama ittumi ukiumoortumik ataatsimeersuarnermi malitassat malinneqartassapput.
§ 8. Siulersuisut.
Siulersuisut ulluinnarni aqutsisuupput, peqatigiiffillu sinnerlungu ingerlatsisuullutik.
Ataatsimeersuarnerup kingorna ataatsimeeqqaarnermi siulersuisut inissititsissapput imatut:
Siulittaasoq, siulittaasup tullia, aningaaserisoq , allatsi kiisalu siulersuisunut ilaasortaq ataaseq.
Siulersuisut ataatsimiinnerit ingerlasarnissaannut namminneq malittarisassaliussapput.
§ 9. Peqatigiiffiup aningaasaqarniarnera.
Peqatigiiffik ilaasortat akiliutaannik aningaasalersorneqarpoq.
Ilaasortat akiliutaasa saniatigut aningaasannanniarnerit ingerlanneqartassapput, aningaasannanniarsimanerillu tamarmik immikkut naatsorsuusiorneqartassallutik.
§ 10. Peqatigiiffimmut pisussaaffiliisumik atsiorsinnaatitaaneq.
Peqatigiiffiup aningaaserisua siulittaasoq peqatigalungu atsiorsinnaatitaapput.
Attartortsitsinermi, attartornermi, pisinermi, illumik tusisaqarnermi, aningaasanik taarsigassarsinermi, qularnaveeqqusiinermi assigisaanilluunnit isumaqatigiissusiornermi siulersuisut tamarmiusut allakatsingut akuersinerat pisariaqarpoq.
Aningaasatingut pisussaaffeqartoqalersillungu peqatigiiffiup pigisai kisimik tunuliaqutarieqarsinnaapput, ilaasortallu ataasiakkaat aningasatingut akisussaaffilerneqarsinnaanatik.
§ 11. Naatsorsuutit.
Peqatigiiffiup naatsorsuutaasa ukiup qaammataasa ingerlanerat malippaat,
tassa ukioq naatsorsuiffiusoq Januarip aallaqqaataanik Decemberip 31-ata tungaanoorpoq.
Naatsorsuutini ilaasortat amerlassusaat allassimassaaq,
taakkualu qanoq akiliuteqarsimanersut naatsorsuutini immikkut takuneqarsinnaassapput.
Naatsorsuusionermilu naatsorsuutinut naliginnaasunut malitassat malinneqartassallutik.
Naatsorsuutit ataatsimeersuarnermi saqqummiunneqannginnerminni tamatingut kukkunersiorneqarsimassapput.
§ 12. Malittarisassanik allanngortitsinerit.
Malittarisassanik allanngortsitsisoqassappat peqatigiiffiup ilaasortaasa pingajorarterutaat najuuttariaqarput.
Piumasaqaataavorlu najuuttut pingasunngorlungit aggoraanni aggornerit marluk allannguutissatut siunnerssuummut akuersinissaat.
§ 13. Peqatigiiffiup atorunnaarsinnera.
Peqatigiiffik aatsaat ataatsimeersuarnermi atorunnaarsinneqarsinnaavoq, ikinnerpaamik peqati-giffiup ilaasortaasa pingajorarterutai najuutsillungit, taakkunanngalu taasisut pingasunngorlungit aaggoraanni aggornerisa marluk tamanna akuersissutigippassuk.
Atorunnaarsitsinissaq akuersissutigineqarsimappat peqatigiiffiup pigisaasa qanoq atorneqarnissaat naliginnaasumik amerlanerussuteqartumik taasissitsinikkut aaliangiiffigineqassapput.
Taamatut akuersissutigineqarput ataatsimeersuarnermi / -2004.